Eignir til sölu

Óskað er eftir hugmyndum um nýtingu ásamt tilboðum í eignir í umsýslu Þróunarfélags Keflavíkurflugvallar.  Um er að ræða allar þær eignir sem á svæðinu eru og falla undir umsýslu Þróunarfélags Keflavíkurflugvallar og ekki hafa þegar verið seldar.
Þar sem margar af eignunum eru háðar skilyrðum um nýtingu og ráðstöfun þeirra er því bæði óskað eftir tilboðum í tilteknar eignir sem og hugmyndum aðila um nýtingu eignanna.  Við mat á tilboðum verður einkum horft til kaupverðs og tilhögunar á greiðslu þess. Þróunarfélag Keflavíkurflugvallar áskilur sér rétt til þess að taka til mats hugmyndir bjóðenda í samræmi við þau skilyrði sem sett hafa verið um nýtingu og ráðstöfun eignanna. Einnig verður metið hvaða áhrif sú nýting hefur á eftirspurn eftir öðrum eignum félagsins á svæðinu og áhrifum tiltekinnar nýtingar á nærsamfélagið.
Ekki er um útboð á eignunum að ræða heldur sölu. Þróunarfélag Keflavíkurflugvallar áskilur sér rétt til þess að taka því tilboði sem talið er hagstæðast, m.a. út frá ofangreindum þáttum eða hafna öllum.

Nánari upplýsingar um eignirnar má finna hér ásamt korti af svæðinu sem má finna hér.

Áhugasamir aðilar geta haft samband með því að senda póst á netfangið fyrirspurnir@kadeco.is eða með því  að hringja á skrifstofu félagsins í síma 4252100.